Maghúa no Foliadón do Serán '03 (Cidade da Cultura, Compostela)!!

 

Maghúa participaremos no III Encontro galego de Cultura Popular: Serán '03,  que se celebrará entre o 10 e o 12 de xuño na Cidade da Cultura (Compostela).

O Serán '03 encherá o Gaiás de músicas e bailes tradicionais, centrados na figura das pandeireteiras. 

As entradas son de balde. 

Eis o programa: 

https://www.cidadedacultura.gal/gl/evento/seran03-programa

Vide botar uns pontos!!!

Maghúa na final do INTERRITMOS: Sons do rural 2022!!

 

Maghúa estamos encantados.... Este vindeiro sábado botaremos o dia no Náutico de San Vicente d'O Mar (Ogrobe) para participar na final do concurso INTERRITMOS. sons do rual, nesta edición de 2022.

As audicións finais comezan às 16.00h!!

Obrigados a quen nos escolleu para chegar a esta fase, e apertas a todas as propostas musicais (as que tocarán mañá e às que non)

Se podes, achega, e bota uns pontos!!!

Maghúa en Pontedeume!!

O vindeiro sábado, 21 de maio, Maghúa participamos nos Cantos de Taberna de Pontedeume, organizados por Airiños do Eume.

Ven vestidiñx ao xeito dos '50 para participar no concurso de pasodobres....!!

O programa completo da fin de semana, mais abaixo. Os peixes Nacho e Xiao guiarán un obradoiro de baile o 22!!

Concerto das LETRAS GALEGAS 2022

Mañá, 17 de maio, celebraremos as LETRAS GALEGAS 2022 cun concerto na praza Emilio Jaspe Deza, en San Vicenzo de Elviña.

Apartir das 12 horas tanto As Maghúas como Maghúa botaremos unhas pezas na honra de Gurriarán.

O concerto forma parte da xornada organizada polo Concello d'A Coruña co gallo das nosas LETRAS. 

Galiza é infinda!!! 

Maghúa no Sol Celta de Avilés

Compinches!!!

Maghúa visitamos Avilés o vindeiro sábado, 7 de maio, dentro do Festival Sol Celta. 

Partillamos cenário con La Tarrancha, e tamén están Los Gascones.... Seguro que hai unha boa folixa!!!

E mercau tradicional...., e baile, e músicas do mais variadas.....

Aire!!

Maghúa + As Maghúas + Foliada Aberta n'A Brinca, en Corme!!!!

Pois para nos relaxar e coller azos para o que queda de curso, no remate da semana santa, os grupos As Maghúas e nós mesmos botaremos unhas pezas no restaurante A Brinca, en Corme.

O sábado 16, apartir das 22.00 h., tanto nós como elas (ou elas tanto como nós) faremos un repasiño polo repertório que vimos tocando habitualmente (e, probabelmente, algunha novidade haberá...). No restaurante A Brinca (Real, 12, Porto de Corme).

Logo haberá unha foliada aberta (bon, iso depende de ti, claro, que collas o instrumental, que arrimes aló con gaña de o pasar ben,..., xa sabes....)

Achega-te!! Aire!!

MAGHÚA NO SERÁN DO SOR!!

Caros!! 

Logo de todo este parón pandémico, comezamos unha nova xeira (e que dure muito!!). 

O vindeiro xoves 14 de abril participaremos na xornada que están a argallar xs amigxs de O Serán do Sor...

No entorno da Casa Labrada, en Grañas do Sor... 

Arrimade-vos para mover o esqeulete!! 

Aire!!