Este vindeiro domingo, co jet lag provocado pola nosa singradura polas terras d'A Límia, poremos proa ao porto refúxio de San Vicenzo de Elviña... A segunda casa (e a primeira dalguns e dalgunhas...).
Se ben nós estaremos na tarde do 22 xunto a Tirulanga Charalengue (quen serán?), o sábado 21 xa poderedes ver aos Juanpiño's...
Vide botar uns pontos!!
Aire!!
Mañá sábado recalamos n'A Arca de Noe, en Vilar de Santos, OURENSE...!!
Temos gana de regresar por terras ourensás, a verdade...
Non poderemos estar todxs, porén daremos todo....
Repasaremos algo do que temos gravado, e do que non....
O que si é importante é que veñas, porque.... Quid pro quo, Clarice...., quid pro quo.... Nós tocamos e ti pos o baile!!
Poderás cear n'A Arca, se queres.
Hora, às 21.30!!
Aire!!
Collemos o testemuño do sempre chorado Johnny Cash e a sua visita a Folsom. Bon, desta volta sen présos entre os muros do cárcere.
Atendemos o chamado que fixo a asociación Proxecto Cárcere, e estaremos en família xunto coas nosas adoradas Pandereperras, co admirado Moncho do Orzán e cos queridos Son d'Aquí.
En caso de que a xuva non deixe trégua, vemo-nos no local de Acéfala (Hércules, 73).
PS.Hai xa uns cantos anos, na AC Maghúa solicitaramos ao (daquela) governo bipartito municipal a cesión do espazo do cárcere para desenvolver os nosos Iº obradoiros Maghúa de Folclore Galego. Estes espazos foron cedidos. Logo chegou o cámbio de governo municipal, e supoñedes como nos foi denegado, polo governo entrante, o que nos fora previamente concedido....
O vindeiro sábado, 12 de santos, estaremos en Pincelo, Chantada, a participar do Magosto Cuir que organizan as xentes de Sacra Experience!!!
Estaremos con Personne, Meiga-i, e contigo, se vés!!! Logo hai cantos de taverna (nós iremos xa ben tavernadxs), e antes, podes construir un pandeiro vegano!!!
O programa, no cartaz!!!
Vén botar uns pontos!!
O vindeiro venres, 4 de santos, estaremos en Ordes a facer algo que hai tempo que non facemos... Cantar!! Ejem..., participarmos nos Cantos de Taverna que organizan os amigos de Embruxo gaiteiros!!
Ademais deste encontro tavernário, hai unha xeira de actividades (A Convidada) que podedes ver no cartaz....
A ver como acaba o conto!!! Agardamos, iso si, ver-vos a todxs ali!!
O vindeiro sábado 22 de outono ocorrerá algo (sen dúbida). E ti dirás, "que?"
Coa dixestión sen facer (a dixestión do noso concerto no Mercado Municipal de Santo Agostiño, n'A Coruña, convertido en acción musical), montaremos no catro cavalos (ou na bicicleta) para pór rumbo às terras de Orega, en Leiro (Ouresnse). Pistearemos por meio País para chegar à Iª Foliada da Escarocha, onde fomos convidadxs xunto coxs nosxs benquerixs e admiradxs ABRIL e diversos grupos de músicas tradicionais do País.
Ao remate haberá unha foliada aberta na que baixaremos os quilos gañados de xeito directamente propoircional à inxesta dos produtos típicos da zona que degustaremos (ollo, non só nós, eh? ), e que ben podian catar xs protagonistas do cartaz (que están a quedar nos ósos).
Vide visitar O Ribeiro, a bocarribeira do Ávia, en Orega. Seguro que paga a pena!! Vén preparadx con calzado bon, porque bailar vai ser necesário!!!
Arrima-te!!
Maghúa fixemos hai uns meses unha propsota para participarmos no Plano de Apoio ás Entidades Musicais Locais criado polo Concello d'A Coruña.
Consiste nunha acción musical a desenvolver, neste caso, no Mercado do Santo Agsotiño (San Agustin, nº 1).
Ao comezo da hora do vermuteo, botaremos unha série de pezas mentres quen vaia facer a compra gasta as suas perriñas gordas na compra de proximidade que oferece o Mercado municipal.
E, se queres vir ver que surpresas (que mistérios haberá....) nos traerá a cersta da compra (que algunha virá, como nas follas das leitugas....), xa sabes que facer o vindeiro sábado 22 de outono às 11.30 da mañá: psaar visitar o Mercado, e pasar das grandes superfícies (a ver, en Maghúa somos amigxs das grandes superfícies convertidas en torreiros para bailar até cair mortos, non das outras).
Mergulla connosco nesta TRADICIÓN (d)E PROXIMIDADE!!!
Peixucx! Maghúa tamén estivemos aqui, homenaxeando a Beogña Caamaño, na Foliada das Letras celebrada o 23 de maio...!! Arrimaches??
