MAGHÚA TOCAMOS EN LEIRO, RIANXO!!

 Peixucx!!

Esta vindeira quinta feira (xoves) abriremos as festas do Carme en Leiro, Rianxo. 

Tiñamos pendente esta visita dende o 5 de agsoto.... E parte do noso  grupo andaba polas Bretañas, en Lorient...

Asi que a quinta collemos a bicicleta para irmos a Leiro!! Tamén tocan Leite con galletas, e DJ Pivitas...

Trae calzado cómodo, e bota uns pontos!!!

Aire!!

MAGHÚA IMOS A SAMOS!!

Peixucxs!!

A Capela do Ciprés de Samos acolle esta sexta (venres), 6 de outubro, o proxecto ‘Interritmos sons do rural no Destino Courel’ organizado polo Grupo de Desenvolvemento Rural Ribeira Sacra – O Courel xunto con outros GDRs.

A xornada comezará coa actuación das compañeiras As lembranzas, e continuará coa palestra ‘Ao son dunha culler’, narrada polas voces de Vanesa Muela e Felisa Segade, que irá seguida do plato final para pechar o día, coa actuación de Maghúa e dunha degustación de produtos locais.

Vai ser un pracer coincidir logo de tanto tempo con Felisa, e coñecermos a Vanesa Muela!!

A mestra e investigadora de musica e bailes tradicionais, Julia Pozo, será a presentadora desta xornada, que define como “un evento no que mostrar o gran legado inmaterial que temos como cultura, formado pola oralidade, os oficios e a arte; que conforma un macrocosmos, onde todo ten o seu lugar e funciona en harmonía grazas á sinerxia do mesmo coa súa contorna e o co traspaso dos tempos”. Como nos verá vestidos esta muller?? Di que de gala estamos ben, porén que de cando imos en plano metaleiro lle molamos tamén.... 

Xa sabes, nenx, se che presta, arrima-te!! E, se queres catar os petiscos da zona, rexistra-te na páxina do Interritmos, ou nas dos distintos GDR....

Aire!!

MAGHÚA ESTAREMOS NO VI SERÁN CARECO SOLIDÁRIO!!!

Peixucx!!

Esta fin de semana teremos representación no VI Serán Careco Solidário, que os compañeiros OS CARECOS organizan para achegar cartos para a Asociación de Axuda a Nenos Oncolóxicos de Galiza. 

Xa ves todo o que hai, asi que non tes excusa para non achegar-te a Santo Cláudio, en Ortigueira!!

MAGHÚA IMOS A BOIRO, AO PAZO DE GOIÁNS!!!

 Peixucxs!!

O vindeiro venres remata a nosa participación nas xornadas Interritmos: Sons do Rural (bon, asi, de entrada, probabelmente acheguemos até Samos ou As Nogais, por apoiar às compañeiras!!).

Estaremos con Leni Pérez e Roberto Comesaña no marabilloso espazo do Pazo de Goiáns,en Boiro.

Ademais, haberá palestra sobre as Huchas das avoas, eses espazos máxicos dos que saen pezas de roupa e xoiaria que empregamos con todo o respecto do mundo...

E hai petiscos ao remate (tes-te que apontar, eh?)!!

Aire, rapazada!!

MAGHÚA NA II FESTA RURAL, NO CONCELLO DE FRADES!!

Peixucx!!

Eis o cartaz definitivo do que será a II Festa Rural no Concello de Frades. 

Temos a fortuna de partillar festa con muita xente bonita na casa do noso patillas, Serxo.... 

Eis o programa completo. 

Podes vir con calzado cómodo e con gana de o pasar ben....

Agradecemos, por suposto, a Mingos e ASDECOMOR que contaran connosco, o mesmo que ao Concello de Frades...., e a aposta que fan pola música de noso.... 

Aire!!!! 

MAGHÚA EN EIRIS, A CORUÑA, NA FESTA DA FAMÍLIA!!!

Peixucxs!!

Este vindeiro domingo, 3 de setembro, imos prepaprar-nos para a volta ao cóle botando unhas pezas no parque de Eiris (A Coruña).

O domigo às 14.00, boa hora para irpensando en xantar, andaremos subidos ao palco disposto para tal evento, 

Dentro do programa ARRAIGO do Concello d'A Coruña.

Eis o programa completo: 

 

MAGHÚA NO FESTIVAL DA LUZ, BOIMORTO!!

 

O vindeiro domingo, 27 de agosto, debutamos neste festival 

A noite do 26 segue a festa en Santa Margarida, e faremos por controlar, eh? Que hai que estar frescos como o escarapote nunha poza....

Estaremos no espazo MANS entre as 18 e as 19. Pasa por ali con gana de bailar!!!!