Maghúa na VIª Edición do Folk no Alobre!! 28 de agosto, en Vila Garcia de Arousa!!

Alobreñas e alobreños, preparade-vos!!

Coa resaca da Romaria da Santa Margarida nas nosas costas...

Chega a VIª edición do #FolknoAlobre - Romaxe Urbana, con xantar, obradoiro de baile tradicional, moita música e visita guiada polo Castro.

A Asociación Pésdebarro organiza esta VIª edición coas actividades que se desenvolverán arredor do Parque Botánico E. Valdés Bermejo:

Ás 11h. | Espectacular Ritual das Penas do Alobre: Visita guiada polo Castro e Parque Enrique Valdés Bermejo con Xurxo Souto (Laura Rabizal, Os Demos da Petaca e guias de Corticata Turismo Medioambiental. Saída da Praza da Independencia.

Ás 13,00h. | Sesión vermú con Barullo.

A partir das 14:00h | Xantar demorado: cada quen trae a súa comida, estará amenizado por grupos tradicionais.

Ás 16,00h.| Obradoiro de Inciaición ao Baile Tradicional con Luis Prego.

E a partir das 18:00 h | Os concertos con:

Grupo Tradicional Os Demos da Petaca

Miguel CadaviecoMiguel Cadavieco e Agnieszda Marciniuk (Cantares y romance al son del Rábel)

Caamaño&Ameixeiras

Maghúa (AC Maghúa Galiza)

Eis o cartaz tan bonito que prepararon xs amigxs da Asociación Pésdebarro!!

MAGHÚA (Asociación Cultural), na Romaria de Santa Margarida, n'A Coruña!!

 

Co remate deste mes regresa unha das tradicionais festas da nosa cidade, a Romaria da Santa Margarida!!

Tres días de festexos para dar feche (bon, non no senso literal, xa que quedan pendentes as festas de Elviña, Montealto, Novo Mesoiro….) às festas da vila atlántica… Tres días de música de noso, actividades varias, obradoiros….

A sexta (venres), 26 de agosto, distintas asociacións da cidade xuntaremos no cenário do anfiteatro do parque para, entre todas, montarmos a grande noite do folclore. Partillaremos cenário con Cántigas da Terra, AF Aturuxo, A.C. Donaire e a A. C. Son d’Aquí.

O sábado toca ir à escola cos obradoiros que haberá nos arredores da Casa das Ciéncias…. A Asociación Cultural Maghúa impartiremos un obradoiro de Ribeirana no sul de Ponte Vedra, no que achegaremos unha deconstrución de pontos d’O Condado. Ao longo de todo o dia haberá distintos obradoiros para a rapazada e para a mocidade, asi como concertos…

O domingo 28 é o mais tradicional, con concertos e merendiñas.

De andardes n’A Coruña, non o perdades!!

Eis o programa completo!!

MAGHÚA NO FESTIVAL 27373, BEGONTE (LUGO)!!

 

Maghúa estamos a preparar o palán e a billarda para nos achegar ao Festival 27373, que se celebrará o vindeiro sábado 13 de agosto, en Begonte, Lugo...

Tamén estamos a clarexar as gorxas para botar unhas cantas nun cenário no que acompañaremos a Lydia Botana (Bolboreta), a Flow do Toxo e a Os Vacalouras de Teis!!

No Clube Fluvial de Begonte, dende as sesión vermu, até que o corpo diga "abonda!"

Billarda, serrón, música tradicional, rap, punk, cantora.... Un festón, vaia!!!!

Organiza, con muito gosto, o Castiñeiro Milenario de Begonte... 

Maghúa no mercado artesán Marusía, en Corme!!

 

Maghúa estaremos o vindeiro sábado, 6 de agosto, en Corme, participando xunto a outro grandísimo número de compañeiros e compañeiras, no mercado artesán MARUSÍA....

Organiza a asociación MULLERES DO POBO.

Unha regalia!!!!!